អ្នកផ្គូរផ្គងកីឡាករនៅសង្វៀនថោន លោក គឹមស្រ៊ុន កុសល ឬបងប្អូនស្គាល់ថា Tommy Kim បានប្រកាសពីបេក្ខភាពកីឡាករដែលត្រូវចេញទៅប្រកួតនៅសង្វៀននាប្រទេសជប៉ុន ក្នុងខែសីហា ខាងមុខនេះ នោះគឺអ្នកលេងពូថៅដៃពិឃាដ ធឿន ធារ៉ា។ ក្នុងសំណេរលើហ្វេសប៊ុក បង្ហោះថ្ងៃទី១៧ កក្កដា លោក Tommy Kim សរសេរថា ខាងភាគីជប៉ុន កមពុងរង់ចាំចម្លើយពីកីឡាករធឿន ធារ៉ា ថាតើនឹងចូលរួមប្រកួតឃីកបុកស៊ីង នៅប្រទេសជប៉ុន ដែរឬអត់?
 |
| រូបពីFB លោក Tommy Kim យ៉ាងណាមុនចេញទៅប្រកួតនៅប្រទេសជប៉ុនបាន ធារ៉ា ត្រូវឆ្លងកាត់កីឡាករចិន យូ ស៊ូអាយ(Yue Shuai) នាថ្ងៃទី២១ ខែកក្កដា ឆ្នាំ២០២៤ នៅសង្វៀន Masfight លក្ខណៈឃីកបុកស៊ីងជាមុនសិន។ ដែលជាការលើកឡើងរបស់ស្ថាបនិក IPPC ប្រចាំកម្ពុជា។ ធឿន ធារ៉ា ជាកីឡាករកម្ពុជាជួរមុខមួយរូបដែលទទួលបានប្រជាប្រិយភាពខ្លាំងនាចុងឆ្នាំ២០២២ បន្ទាប់ពីរូបគេបញ្ចប់ការប្រកួតនៅសង្វៀនថៃហ្វាយ ដោយអាចដណ្តើមខ្សែក្រវាត់ស្តេចថៃ ពីកីឡាករសៃយុគ ភុមផាន់មួងបានដោយប្រើពេលត្រឹមទេមួយទឹកប៉ុណ្ណោះ។ បន្ទាប់មក ធារ៉ា បន្តសាងកេរ្តិ៍ឈ្មោះជាហូរហែរ រហូតដល់ឆ្នាំ២០២៤ ត្រូវបានទស្សនាវដ្តីកីឡាអន្តរជាតិ Forbes ចេញផ្សាយពីបុគ្គលមានឥទ្ធីពលទាំង១០ ក្រោមអាយុ ៣០ឆ្នាំនៅអាស៊ាន៕  |
Comments
Post a Comment