នេះជាថ្ងៃទីប្រាំបី(០៨)ហើយ ក្នុងការបាត់ឧត្ថម្ភាគចក្រ នៅជួរភ្នំក្រវ៉ាញ

 

គិតត្រឹមថ្ងៃទី២០ ខែកក្កដា ឆ្នាំ២០២៤ ឧត្ថម្ភាគចក្រដែលបាត់ដំណឹងកាលពីថ្ងៃទី១២ ខែកក្កដា ឆ្នាំ២០២៤ នៅពុំទាន់រកឃើញតម្រុយណាមួយឡើយ។ ក្រសួងការពារជាតិកំពុងបន្តស្វែងរកយ៉ាងយកចិត្តទុកដាក់ ដ្បិតបញ្ហាអាកាសធាតុផ្តល់ការលំបាកយ៉ាងណាក្តី។

យោងតាមគេហទំព័រហ្វេសប៊ុករបស់ក្រសួងការពារជាតិ នាព្រឹកថ្ងៃទី២០ កក្កដានេះបានឱ្យដឹងថា កងកម្លាំងអគ្គបញ្ជាការកងទ័ពជើងគោកភូមិភាគទី៥ នៅតែបន្តផែនការយុទ្ធសាស្រ្តក្នុងការរុករករហូតដល់បេសកម្មនេះទទួលបានជោគជ័យ៕

កងកម្លាំងទ័ពអាកាសក្រសួងការពារជាតិបន្តស្វែងរកឧត្ថម្ភាគចក្រដែលបាត់ដំណឹង/រូបពី ក្រសួងការពារជាតិ